Турнинг марказий баҳси олдидан: "Пахтакор" ўзаро ўйинларда яққол устун!

Суперлиганинг 23-тур марказий ўйинида "Пахтакор" Жиззахда "Сўғдиёна" меҳмони бўлади.

Айни пайтда Суперлигада дастлабки икки поғонани эгаллаб турган жамоалар - "Сўғдиёна" ва "Пахтакор"нинг ўзаро тўқнашуви иккинчи даврадаги энг аҳамиятли беллашувлардан бирини тақдим этади. Шу сабабли мазкур баҳснинг кескин кечишини кутиш мумкин. Жамоалар сафида дисквалификацияга учраган футболчилар йўқ.

Миллий чемпионатлар доирасида ўзаро 51 учрашув бўлиб ўтган. 41 беллашувда "шерлар" ғалабага эришган бўлса, 5та ўйинда дуранг қайд этилган ва 5 баҳсда "бўрилар"нинг ғалабаси қайд этилган. 125 гол урган "Пахтакор" ўз дарвозасидан 39 тўп ўтказиб юборишган. Тошкент клубининг энг йирик ғалабалари 6:1 ва 5:0 ҳисобларида кузатилган. Жиззахдаги ўйинларнинг 18тасида "сариқ-кўклар" муваффақиятга эришган. Тўрт марта мезбонларнинг қўли баланд келган ва уч бор дуранг натижа қайд этилган.

"Сўғдиёна" ва "Пахтакор" жамоалари ўртасидаги ўйин 24 октябрь, якшанба куни соат 16:00да "Сўғдиёна" стадионида бошланади.

Фикрлар

Фикр қолдириш учун авторизациядан ўтинг!
&
Shaymardonov Nurbek Nasimovich
23/10/2021 15:09
Qanday muhim. Sugdiyona soladi. agar uynasa chunki Pahtakor chempion bulib bulgan bulsa. nima kerak uzini uyinchilarini qiynap. yoshlarga shans bersa kerak.