"Турон" "Қўқон-1912"га ютқазди, яна бир мураббий кетди

Суперлигада ғалабасиз сериясини давом эттираётган дебютант – “Турон” клуби ҳам ўз лагерида чемпионатнинг навбатдаги турига тайёргарликни давом эттирмоқда. Ислом Исмоиловнинг истеъфосидан кейин энди унинг дадаси – Мурод Исмоилов ҳам “Турон” билан хайрлашди. Бунга қадар у ёшлар жамоасини бошқариб келаётганди.

Польшалик мураббий қўл остида шуғулланаётган “Турон” жамоаси куни кеча “Қўқон-1912”га қарши назорат учрашувида иштирок этди. Мазкур ўйинда 0:1 ҳисобида қўқонликларнинг қўли баланд келди. Қизиғи, ушбу клублар иштирокида чемпионатнинг 1-тур доирасида “Турон” майдонида бўлиб ўтган ўйинда ҳам “Қўқон-1912”нинг қўли баланд келган – 1:2.

Режага кўра, “Турон” 5, 9 ҳамда 12 июнь кунларига ҳам ўртоқлик учрашувлари мўлжалланмоқда.