"Турон" ёзги трансферда 8 нафар футболчини харид қилди ва уларга рақамлари топширилди

Ёзги селекция ишларида анча фаоллик кўрсатган “Турон” клуби бугун янги таклиф этилган футболчиларни кенг оммага таништирди.

Аввало шуни таъкидлаш керакки, ПФЛ расмий сайтида “Турон” яна икки нафар ўйинчи билан шартнома имзолаганлиги хабар қилинди.

Унга кўра, кутилганидек, АГМКга тегишли бўлган дарвозабон Низомиддин Зиёвутдинов билан мавсум охирига қадар келишувга эришилди. Бундан ташқари, “Металлург” жамоасидан ҳужумкор футболчи Ихтиёр Тошпўлатов ҳам 2021 йил охиригача “Турон” шарафини ҳимоя қилади.

Бугун “Ўзбекистон” ўйингоҳида янги футболчиларни таништирув маросими ташкил этилди.

Ёзги трансфер пайтида “Турон” клубига қўшилган футболчиларга ўз рақамлари топширилди.

Дарвозабон: Низомиддин Зиёвутдинов – 1.

Ҳимоячи: Суннатилла Абдуллажонов – 7.

Ҳимоячи: Фирдавс Чакалов – 20.

Ярим ҳимоячи: Сардор Абдураимов – 6.

Ярим ҳимоячи: Ихтиёр Тошпўлатов – 10.

Ярим ҳимоячи: Дониёр Исмоилов – 14.  

Ҳужумчи: Ҳумоюн Муртазоев – 9.

Ҳужумчи: Отабек Зокиров – 23.