"Турон"нинг Тошкентдаги йиғини якунланди

Хабарингиз бор, Анвар Бердиев бош мураббийлигидаги “Турон” жамоаси 8 февраль санасидан Тошкент шаҳрида ўқув-йиғин машғулотларига киришишганди.

Режага кўра, куни кеча мазкур йиғин доирасида "Локомотив" клубига қарши назорат учрашуви ўтказилди. Ушбу ўйин пойтахтимизда ташкил этилган йиғин доирасидаги сўнгги баҳс бўлди ва жамоа аъзолари бугундан яна Қўқон шаҳрига қайтишди.

Эндиликда мавсумнинг қолган қисмига тайёргарлик жараёни клубнинг Яйпан шаҳридаги қароргоҳида давом эттирилади. Мавсум стартига қадар бир қатор назорат учрашувларини ҳам ўтказиш режалаштирилган, - дея хабар бермоқда клуб матбуот хизмати.