Tuxel “Chelsi” bo‘yicha qimmatli maslahatini ayadi

“Chelsi”da yaxshi natijalar qayd etganiga qaramay, iste’foga chiqarilgan Tomas Tuxel sobiq klubiga Yulian Nagelsmannga qiziqayotganiga munosabat bildirdi.

Aniqrog‘i, jurnalistlar germaniyalik tajribali murabbiydan yosh hamkasbiga maslahat berishni so‘radi.

- Tabiiyki, Yulian bu haqda mendan maslahat so‘ramaydi. Bu masalada mening maslahatimga muhtoj emas, - dedi Tomas Tuxel.

Ma’lumki, Tomas Tuxeldan “Chelsi”ni qabul qilib olgan Grem Potter klub rahbariyatining qo‘llab-quvvatlashiga qaramay, jamoa natijalarini pasaytirib yubordi. Natijada klub xo‘jayinlari undan ham voz kechdi.

Ayni paytda “aristokratlar” besh nafar murabbiy bilan muzokara olib bormoqda.