Тухель “Челси”ни янгилайди. 260 млн фунтга кимлар олинади?

“Челси”ни қабул қилиб олганидан кейин жамоа ўйинини кучайтира олган Томас Тухелга клуб президенти Роман Абрамович трансферлар учун катта маблағ ажратишга қарор қилди.

Хабарларга қараганда, ёзда германиялик мутахассиси ўзи истаган футболчиларни олиш учун 260 миллион фунтга эга бўлади.

Таклиф этиладиган футболчиларнинг ҳаммаси Бундеслига юлдузлари ҳисобланади. Хусусан, лондонликларнинг асосий трансфер нишони “Боруссия” тўпурари Эрлинг Холанд бўлади. Шунингдек, рўйхатга “Бавария” юлдузлари Давид Алаба ва Никлас Зюле ҳам киритилган.

Ўз навбатида, Тухель клубни тарк этиши керак бўлган ўйинчиларни ҳам аниқлаб олди. Унга кўра, Бен Чилуэлл, Кристиан Пулишич, Эмерсон, Оливье Жиру, Жоржиньо каби яна бир неча футболчи ёзда ўзига янги жамоа қидириши керак бўлади.