Тухель: “Клопп жамоаси билан финалда учрашиш ёқимли“

“Челси“ бош мураббийи Томас Тухель “Ливерпуль“га қарши кечадиган Англия кубоги финал баҳси олдидан ўз фикрларини маълум қилди. Унга кўра, бу ўйин икки клуб учун ҳам оғир синов.

“Бу ажойиб қарама-қаршилик. Биз жанг қилишга тайёрмиз. Клопп билан “Уэмбли“даги финалда тўқнаш келиш ажойиб воқеа. 

Йигитлар босимсиз ҳаракат қилиши муҳим. Улар шунчаки ўзларига юклатилган вазифани бажарса, шунинг ўзи етарли. 

“Ливерпуль“ билан ўйинларда биз доим қийинчиликка дуч келганмиз. Бироқ бу улар енгилмас жамоа, дегани эмас. Уларга ҳам осон бўлмайди“, - деди германиялик мутахассис.