Тухель мураббийлик фаолияти давомида ҳали ярим финалларда мағлуб бўлмаган

"Челси" бош мураббийи Томас Тухель ярим финалларда иштирок этиш борасида ажойиб натижа қайд этгани маълум бўлди. Унга кўра, германиялик мутахассис мураббийлик фаолияти мобайнида финал остонасида мағлубиятга учрамаган.

Унинг қўл остидаги жамоалар 9 маротаба ярим финалларда иштирок этган. Ушбу 9 ярим финалнинг барчасида унинг жамоалари ғалаба қозонган. 

Эслатиб ўтамиз, бироздан сўнг Тухель бош мураббийлик қилаётган "Челси" Англия кубоги ярим финал босқичидан ўрин олган баҳсда "Кристал Пэлас"га қарши майдонга тушади. Мазкур учрашув 20:30да старт олади.