Тухель: "Хавотирли ҳолат"

"Челси" бош мураббийи Томас Тухель "Реал"дан учралган мағлубиятга (1:3) ўз муносабатини билдирди. 

"Қабул қилиш қийин бўлган натижа. "Стэмфорд Бриж"даги энг ёмон мағлубиятлардан бири. Биз ўз даражамизда ўйнамадик. Шу туфайли ҳеч қанақасига шикоят қила олмаймиз. 

Оптимал ҳолатимизга қайтишимиз лозим. Биринчи бўлим "Брентфорд"га қарши ўйиндаги иккинчи таймнинг такрори бўлди. 

Танаффусда тактикани ўзгартирдик ва ҳамма нарсани тўғриламоқчи бўлдим. "Реал"нинг заиф томонлари кўп, деб ўйладим, аммо ўзимизнинг ўйинимиз талаб даражасида эмасди. 

Буларнинг барчасини 5 кун аввал муҳокама қилгандик. Беш кунда 7 та гол ўтказиб юбордик. Ҳеч нарса ўзгармади. Хавотирли ҳолат", - деди Тухель.