Тухелга ёқадиган футболчи “Челси”дан кетиб қолишни ўйлаяпти

Томас Тухель “Челси”ни Европа Чемпионлар лигаси чемпионига айлантирганидан кейин янги ўйинчилар олишдан ташқари ҳозирги таркибдан ўзининг ишончини оқлаганларини ҳам олиб қолишни сўраган.

Ана шундай футболчилардан бири германиялик ҳимоячи Антонио Рюдигер. Клуб раҳбарияти бош мураббий талабига кўра, бу ҳимоячига узоқ муддатли шартнома тайёрлаяпти.

Рюдигернинг амалдаги битими 2022 йилнинг ёзигача давом этади. Лекин унга “Тоттенхэм” харидор бўлмоқда ва тез орада шартнома таклиф қилишга ҳозирлик кўрмоқда.

28 ёшли футболчи “Челси” сафида етарли даражада кўп ўйнамаяпти. Якунланган мавсумда у атиги 19 та учрашувда қатнашиб, битта гол ҳам урди. “Тоттенхэм” Рюдигерга мунтазам ўйин амалиёти тақдим этишга тайёр.

Фикрлар

Фикр қолдириш учун авторизациядан ўтинг!