U-17 Жаҳон чемпионати. Ўзбекистон Канадага қарши тўлиқ оқ либосда ҳаракат қилади
Ўзбекистон Канадага қарши тўлиқ оқ либосда ўйнайди. Бу ҳақда ЎФА матбуот хизмати хабар берди.
Ўзбекистон ўсмирлар терма жамоаси эртага U-17 Жаҳон чемпионати гуруҳ босқичи доирасидаги 2-учрашувини ўтказади. Мазкур ўйинда футболчиларимиз тўлиқ оқ либосда, дарвозабонимиз эса тўқ сариқ либосда ҳаракатланади.
Учрашувни боливиялик ҳакамлар бригадаси бошқариб боради. Бош ҳакам — Иво Мендез, унга қанотларда ҳамюртлари Алберто Карлос ва Рожер Апаза ёрдам беради. 4-расмий ҳакам вазифаси эса Ториқ Мунирга (Индонезия) топширилган.
Эслатиб ўтамиз, Ўзбекистон — Канада ўртасидаги ўйин 13 ноябрь соат 17:00 да старт олади.
Фикрлар