U-17 ЖЧ. Дастлаб 2 та гол ўтказиб юборган вакилларимиз якунда 1 очкони қўлга киритди

17 ёшлилар ўртасида бўлиб ўтаётган Жаҳон чемпионатининг 3-туридан ўрин олган Ўзбекистон - Испания учрашуви бўлиб ўтди ва унда томонлар 1 очкодан бўлишиб олди. 

Дастлаб, Ойана 10-дақиқада ҳисобни очди. Орадан кўп ўтмай Уруэль орадаги фарқни иккитага оширди. Биринчи тайм сўнггида Шукуруллаев жавоб қайтаришга муваффақ бўлди. 53-дақиқада эса Саидов ҳисобни тенглаштириб қўйди. 

Ушбу ўйиндан кейин Ўзбекистон 4 очко билан 3-ўринда қолди. Испания эса пешқадам бўлиб турибди. 

Эслатиб ўтамиз, плей-оффга энг яхши 3-ўрин эгалари ҳам чиқади.