U-23 Осиё кубоги ташкилий қўмитасининг навбатдаги йиғилиши бўлиб ўтди

Хабарингиз бор, жорий йилнинг июн ойида мамлакатимизда 23 ёшгача бўлган футболчилар ўртасидаги Осиё кубоги ўйинлари бўлиб ўтади. Қитъамизнинг нуфузли мусобақасини юқори савияда ўтказиш мақсадида Ўзбекистон футбол ассоциацияси томонидан саъй-ҳаракат бошлаб юборилган. Хусусан, ЎФA ишчи гуруҳи томонидан турнир ўтказиладиган стадионлар, меҳмонхоналар ва машғулот майдонларининг ҳолати ўрганиб чиқилди.

ЎФA раҳбарияти бошчилигида мусобақа ташкилий қўмитасининг навбатдаги йиғилиши бўлиб ўтди. Унда турнирда фаолият олиб борадиган мутахассисларнинг функционал вазифалари тушунтирилди. Шунингдек, Осиё футбол конфедерацияси вакилларининг мамлакатимизга ташриф буюрадиган санасига қадар ишчи гуруҳлар томонидан ўрганиб чиқилган масалалар ва аниқланган барча камчиликларни бартараф этиш бўйича амалга оширилаётган ишлар муҳокама қилинди.