U faoliyatidagi eng qiyin va esda qolarli uchrashuvlar haqida gapirdi

O‘FA Media bo‘limi “Savol yo‘llang!” loyihasini yo‘lga qo‘ydi. Ushbu loyiha doirasida tashkilot birinchi vitse-prezidenti Ravshan Ermatov muxlislar yo‘llagan savollarning eng saralariga javob berdi.

– Faoliyatingiz davomida boshqargan eng qiyin va esda qolarli o‘yin qaysi? (elbek7187)

– Savol uchun rahmat. Hakamlik faoliyatim davomida eng qiyin uchrashuvlar bu 2010 yilgi Jahon chempionati yarim finali Gollandiya – Urugvay va 2018 yilgi mundialdagi Xorvatiya – Argentina uchrashuvlari. Agar eng esda qolgan o‘yinni eslasam, bu albatta Jahon chempionati-2010 ochilish uchrashuvi, Janubiy Afrika Respublikasi va Meksika terma jamoalari o‘rtasidagi bahs.