У финалдаги мағлубиятни қабул қила олмади(ми?)

"Ливерпуль" футболчиси Садио Мане финалдаги мағлубиятдан кейин жамоадошларидан  бирига клубдан кетишини маълум қилган. Бу ҳақда "BBC Sport" нашри хабар берди. 

Манбага кўра, футболчи "Бавария" билан шахсий келишувга эришган. У Мюнхен клуби билан 3 йиллик шартномага имзо чекиши кутилмоқда. 

Маълумот ўрнида, Мане жорий мавсум "Ливерпуль" сафида барча мусобақалар доирасида 51 ўйинда иштирок этиб, ўз ҳисобига 23 гол ва 5 ассистни ёздириб қўйган.