У “Манчестер Юнайтед” даражасидаги футболчи эмас!

“Манчестер Юнайтед” в Англия терма жамоасининг собиқ ҳимоячиси Рио Фердинанд ҳужумкор футболчи Дэниел Жеймснинг “Лидс”га ўтганига муносабат билдирди.

- “Лидс” анчадан бери бу йигитни олиш истагида уни кузатиб юрган эди. Жеймс премьер-лигада ўйнашга лойиқ футболчи, лекин “Манчестер Юнайтед” даражасида эмас. “Лидс”нинг ўйин услубини инобатга олсак, Жеймс бошқа жамоаларга муаммо туғдира олади. У янги жамоасида тўпни олиши билан, катта тезликда ҳужумга ўтиш имконига эга. “Манчестер Юнайтед”нинг ўйин услуби унинг бундай ўйнашига йўл қўймасди, унга кўпроқ бўш зона керак, - деди Рио Фердинанд.

Дэниел Жеймс “Манчестер Юнайтед” таркибига 2019 йили қўшилганди. Жамоада сафида барча турнирларда  жами 74 та учрашув ўтказиб,  рақиблар дарвозасига тўққизта гол урди.