У Мессининг ўрнини эгаллаши керак

Оғир жароҳатдан кейин майдонга қайтган Ансу Фати “Барселона”дан янги шартнома олади.

Манбаларнинг хабарига кўра, футболчининг агенти Жорже Мендеш Каталонияга келган ва айни пайтда клуб раҳбарлари билан янги битим бўйича музокара ўтказмоқда.

Бундан ташқари, клуб  қатор гранд жамоалар нишонида турган ўйинчини узоқроқ муддат ўз сафида олиб қолмоқчи. Жоан Лапорта мутасаддилардан шартномани тезроқ имзолашни талаб қиляпти.

Ансу Фати ёш бўлишига қарамай, ёрқин ўйин кўрсатганидан кейин кўпчилик томонидан Лионель Мессининг вориси сифатида тан олинди. Клуб раҳбарияти аргентиналик юлдуз кетганидан кейин унга Месси ўйнаган 10-рақамни бергани ҳам бежиз эмас.