"У Римда бахтли" - Заньоло "Рома"да қолиши мумкин

"Рома" футболчиси Николо Заньолонинг келажаги сўроқ остида турибди.

Унинг агенти Клаудио Вигорелли мижози атрофидаги миш-мишларга изоҳ берди. "Мен бошимиз узра қора булутларни кўрмаяпман. Клуб билан муносабатларимиз анча яхши. Янги шартнома имзолаш вақти келди, буни муҳокама қилишга келишиб олдик.

Николо бор эътиборини майдонга қаратади. "Рома" раҳбарияти музокара столига ўтиришга тайёр эканимизни билади. Заньоло Римда бахтли",-деди Вигорелли.

Маълумот учун, 23 ёшли футболчининг "бўрилар" билан келишуви 2024 йилга қадар мўлжалланган. Унга "Ювентус"дан қизиқиш бор.