U17 ЖЧ. Сўнгги ярим финалчи номи ҳам маълум

Индонезияда давом этаётган 17 ёшгача бўлган футболчилар ўртасидаги жаҳон чемпионати ўзининг авж палласига етиб келди. Чорак финалнинг сўнгги баҳсида Мали терма жамоаси Марокаш билан куч синишди. Ўйин тақдирини ҳал қилган голни 81-дақиқада Мали терма жамоаси вакили Ибраҳим Диарра киритди ва кейинги босқичга йўл олди.

Шу тариқа Ўзбекистонни мағлуб этган икки терма Мали ва Франция ярим финалда тўқнаш келадиган бўлди. Аввалроқ Германия ва Аргентина қарама-қаршилиги аниқланган эди.