U23 саралаш баҳсларида гуруҳлардаги ҳолат қандай? Энг яҳши иккинчи ўрин учун даъвогарларда неча очко бор?

Бир неча соатлардан сўнг, U23 Осиё чемпионати-2024 саралаш босқич учрашувларининг сўнгги тур баҳслари старт олади. Гуруҳлардаги вазиятдан келиб чиқиб, қуйидаги жамоаларда мусобақанинг финал раундига чиқиш учун яхши имоният борлигини кўришимиз мумкин: Иордания, Жанубий Корея, Ветнам, Япония, Ўзбекистон, Эрон, Ироқ, Қувайт, Хитой, БАА, Тайланд, Малайзия, Австралия, Тожикистон, Саудия Арабистони, Камбоджа, Индонезия ва Туркманистон.

2-ўринни эгаллаб турган жамоалар орасида ҳозирча энг яхши тўплар нисбати 4:0 (+4) ни ташкил этмоқда. Мабодо бугун Ўзбекистон Эронга ютқазиб қўйган тақдирда ҳам энг яхши 4 та 2-ўрин эгалари учун бериладиган йўлланмадан бирини қўлга киритиш учун имкониятлари (ҳозирча) етарли. Ушбу саралаш турнирида фақатгина Ироқ терма жамоаси (+19) Ўзбекистондан (+17) яхшироқ тўплар нисбати кўрсаткичига эга бўлиб турибди.