Уч нафар курашчимиз йилни жаҳон рейтинги пешқадами сифатида ниҳоясига етказди

Бирлашган кураш дунёси (UWW) жорий йилнинг декабрь ойи учун жаҳон рейтингини эълон қилди. 2025 йил якуни акс этган мазкур жадвалда юнон-рум кураши бўйича Ўзбекистон терма жамоасининг 3 нафар аъзоси биринчи ўринда қайд этилган. 

Унга кўра, ортда қолаётган йил турли мусобақаларда юқори натижалар билан қимматли очколарни жамғарган Алишер Ғаниев -60 кг, Айтжан Халмаханов -63 кг ва Абдулло Алиев -72 кг вазн тоифаларида жаҳон рейтингининг пешқадами сифатида йилни якунлайдиган бўлишди.

Бу ҳақда МОҚ хабар бермоқда.