Учрашувда ҳушидан кетган машҳур футболчи вафот этди (фото)

Гана терма жамоасининг собиқ футболчиси Рафаэль Двамена 28 ёшида фавот этди. Албания чемпионатида “Эгнатия” клуби шарафини ҳимоя қилаётган ҳужумчи “Партизани” жамоасига қарши учрашувнинг биринчи бўлимида ўзини ёмон ҳис қилди.

Шифокорлар ҳушини йўқотган футболчига майдоннинг ўзида биринчи ёрдамни кўрсатди ва уни тез ёрдам машинасида шифохонага олиб кетишди.

Бироқ Двамена шифохонада ҳам ўзига келмади ва ўлим ҳолати қайд этилди.

Двамена фаолияти давомида Испаниянинг “Леванте”, “Сарагоса”, Швейцариянинг “Цюрих”, Астриянинг “Блау-Вайсс”, “Аустрия”, “Лиферинг”, Даниянинг “Вайле” жамоаларида ҳам тўп тепган.

Ҳужумчи Гана терма жамоаси сафида тўққизта учрашувда рақиблар дарвозасини икки маротаба ишғол қилганди.