УЕФА Роналдуни Чемпионлар лигасига қайтармоқчи
Европа футбол ассоциациялари уюшмаси – (УЕФА) Саудия Арабистонининг “Ан-Наср” жамоасини “кўҳна қитъа”нинг энг нуфузли мусобақаси – Чемпионлар лигасига қўшиш устида иш олиб бормоқда.
Report нашрининг хабарига кўра, УЕФА мутасаддилари Криштиану Роналдуни трансфер қилганидан кейин “Ан-Наср”нинг жаҳон футболидаги оммавийлиги кескин ошиб бораётганини инобатга олиб, бу жамоани нуфузли турнирга қўшиши мумкин.
Чемпионлар лигасининг формати 2024 йилдан ўзгаради. Унинг гуруҳ босқичида қатнашиб келган жамоалар сони 24 тадан 36 тага оширилади. Гуруҳ босқичи ўрнига бир даврали тизим йўлга қўйилади. Ҳар бир жамоа ўнта рақиб билан биттадан баҳсда куч синашади. Иштирокчилар бешта ўйинни ўз майдонида, қолган бештасини рақиб жамоа аренасида ўтказади.
Криштиану Роналду Европа клублари трансфер сиёсатида кескин бурилиш ясади. Португалиялик юлдуз араб футболига йўл очди. Бугунги кунда Европанинг номдор ўйинчилари ва машҳур мураббийлар араб клубларида фаолият юритишга интилмоқда.
Фикрлар
Ахир улар Европа , Ан Наср Осиёда нега улар АнНасрни европада у́йнатади Осиё Нима керакмасми???????