Уэльс Туркия устидан ишончли ғалабага эришди

Ҳозиргина Европа чемпионатининг “А” гуруҳ 2-туридан ўрин олган Туркия ҳамда Уэльс терма жамоалари баҳси ўз якунига етди.

Бакудаги “Олимпия” стадионида кечган учрашув 2:0 ҳисобида уэльсликларнинг ғалабаси билан якунланди. Ўйиндаги голларга Аарон Рэмзи (43') ҳамда Коннор Робертс (90') муаллифлик қилди.

Эслатиб ўтамиз, Туркия дастлабки турда Италияга мағлуб бўлган, Уэльс эса Швейцария билан очколарни бўлишиб олган эди.