UFC 233 МакГрегорга мағлуб бўлган Альдо октагонга қайтади

UFC собиқ чемпиони Жозе Альдо Каб Суонсон билан куч синашади. Жанг UFC 233 турнири доирасида АҚШнинг Калифорния штатида 26 январь куни бўлиб ўтиши режалаштирилмоқда.

Маълумот учун, Жозе Альдо 27 беллашувда ғалаба қозониб, 4 маротаба имкониятни бой берган. Суонсон эса 25та учрашувда қўли баланд келган бўлса, 10 баҳсда мағлубиятга учраган.

Эслатиб ўтамиз, 2009 йилда Альдо рақиби Суонсонни беллашувнинг 8 сониясида техник нокаутга учратишга муваффақ бўлган.