Украинада таваллуд топиб, кейинчалик Россия фуқаросига айланган ММA жангчиси Aлексей Олейник Иккинчи жаҳон уруши якунланган куни жанг қилишида рамзий маъно борлигини айтди. 42 ёшли спортчи 9 май куни (Тошкент вақти билан жанг 10 май куни тонгда бошланади)  AҚШда  бразилиялик Фабрисио Вердум билан тўқнаш келади.

"Aлбатта, бу алоҳида сана. Мен ушбу мамлакатнинг ҳар бир фуқароси каби мазкур унутилмас кунни шарафлайман. Ушбу уруш иштирокчилари биз барча нарсага эга бўлишимиз учун ўз ҳаётларини қурбон қилдилар. Менинг иккита бобом мўъжизавий тарзда Иккинчи жаҳон уруши пайтида омон қолган ", - деди Олейник Матч ТВнинг Instagram даги эфири вақтида.

Турнир Флорида штатининг Жексонвилл шаҳрида бўлиб ўтади. Тадбирнинг асосий воқеаси Тони Фергюсон ва Жастин Гэтжи ўртасидаги жангдир...

Олейник фаолияти мобайнида 58 ғалаба, 13 мағлубият ва битта дуранг қайд этган бўлса, Вердум 23 бор ғалаба қозониб, 8 маротаба мағлубиятга учраган ва у ҳам бир марта дурангга эришган.

Матнда хатолик топсангиз, ўша хатони белгилаб, бизга жўнатинг (Ctrl + Enter)