"UFC 254": Ҳабиб 6 млн доллардан кўпроқ пул олди, Лилия Шакирова-чи?

Хабарингиз бор, кеча "UFC 254" жанг кечаси бўлиб ўтди ва марказий жангда россиялик Ҳабиб Нурмагомедов вақтинчалик чемпионлик камари соҳиби Жастин Гэтжини мағлубиятга учратди. Жангдан кейин Ҳабиб фаолиятини якунлаганини маълум қилди. Ушбу жанг учун "P4P" жадвали етакчисига айланган жангчи 6,090,000 доллар ишлаб топди. 

Шунингдек, ушбу жанг кечасида ҳамюртимиз Лилия Шакирова ўз дебютини амалга оширди ва илк жангида Лаурен Мёрфига имкониятни бой берди. Ушбу беллашув учун Шакирова 13,500 доллар гонорар оладиган бўлди.