UFC афсоналари учун омадсиз кеча ёхуд "UFC 256" турнири натижалари билан танишинг!
Бир неча дақиқақалар аввал, "UFC 256" турнирининг иккинчи марказий жангида енгил вазн тоифасининг етакчиларидан бири "Эль Кукуй" номи билан машҳур Тони Фергюсон навбатдаги жангини ўтказди. У ушбу дивизионнинг янги юлдузларидан бири Чарльз Олийверага қарши октагонга кўтарилди.
Уч раунд давом этган жангда бразилиялик Олийвера Фергюсонга ҳеч қандай имконият қолдирмади. "Партер"даги катта устунлик эвазига Оливейра ҳакамларнинг якдил қарорига кўра, ғалаба қозонди. Шу тарзда Тони кетма-кет иккинчи мағлубиятини қабул қилиб олди. Марказий жангда эса, супер енгил вазн тоифаси чемпиони Дейвесон Фигередо рейтингда биринчи рақамли бўлган даъвогар Брендон Морено билан шиддатли жанг олиб борди. Якунда ушбу тўқнашув дуранг билан тугади.
Шунингдек, яна бир қатор қизиқарли жанглар бўлиб ўтди. Қуйида, уларнинг натижалари билан танишишингиз мумкин.
Рафаэль Физиев - Ренато Мойкано - биринчи раундда Физиев нокаутга учратди.
Кевин Холланд - Роналдо Соуза - мазкур тўқнашувда Холланд нокаут билан ғалаба қозонди.
Жуниор Дос Сантос - Сирил Гэйн - Гэйн иккинчи раундда техник нокаут билан зафар қучди.
Даниэль Пинеда - Каб Свонсон - Свансон биринчи раундда нокаут билан ғалабага эришди.
Маккензи Дёрн - Вирна Яндироба - Дёрн ҳакамларнинг якдил қарорига кўра, ғолиб чиқди.
Билли Куарантилло - Гевин Такер - Такер ҳакамларнинг якдил қарорига мувофиқ, ғалаба қозонди.
Питер Барретт - Чейс Хупер - Хупер бўғиш услуби эвазига зафар қучди.
Тиша Торрес - Сэм Хьюз - Торрес биринчи раундда техник нокаут билан ғолиб чиқди.
Фикрлар