Украинадаги турнирда Абдумалик Ҳалаков ҳамда Шунқор Абдурасулов ўз жангларини ўтказди

Ўзбекистон бокс терма жамоаси иккита халқаро турнирда иштирок этмоқда. Жумладан, Болгариядаги “Странжа” турнирида асосан вазн тоифасидаги биринчи рақамли боксчиларимиз  қатнашаётган бўлса, Украинанинг Кривой Рог шаҳридаги турнирда юртимизнинг истеъдодли ва етакчи вакиллари рингга кўтарилмоқда.

Ҳозирга келиб, уч нафар вакилимиз ўз жангларини ўтказиб улгурди. Жумладан, -57 кгда Абдумалик Ҳалаков украиналик Тимур Бобошко устидан зафар қучди, -63 кг вазнда юртимиз шарафини ҳимоя қилаётган Шунқор Абдурасулов яна бир мезбонлар вакили Роман Бойкога ҳеч қандай имконият қолдирмади. Афсуски, сўнгги Ўзбекистон чемпионатида ўзидан ёрқин таассурот қолдирган Хуршидбек Расулжонов ҳам -57 кгда рингга кўтарилди ва украиналик Оликсей Козелёкка имкониятни бой бериб қўйди.

Бугунги кун дастуридан -69 кгда Жаҳонгир Раҳмонов ҳамда -75 кгда Саиджамшид Жафаров ўз жангларини ўтказади. Бу борада уларга омад ёр бўлишини тилаб қоламиз!

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар