Улуғбек Абдуллаев - "Динамо" футболчиси

"Динамо" жамоаси Про лига 2-давраси олдидан ўз таркибини кучайтиришда давом этмоқда.

Ёзги трансфер ойнасининг сўнгги кунларида Самарқанд клуби сафига Улуғбек Абдуллаев келиб қўшилди. Суперлига биринчи даврасида "Сўғдиёна" шарафини ҳимоя қилган 25 ёшли ҳимоячи билан мавсум якунига қадар шартнома имзоланди. Абдуллаев "Динамо" сафига эркин агент мақомида қўшилди.

"Бунёдкор" клуби тарбияланувчиси саналмиш Улуғбек Абдуллаев 1998 йилнинг 22 февраль куни Ургут шаҳрида туғилган. У фаолияти давомида "Сўғдиёна", "Сурхон", "Бунёдкор" клублари шарафини ҳимоя қилган.