Улуғбек Бақоев "Машъал"га учралган мағлубиятни қандай изоҳлади?

Про лигада 19-турнинг марказий учрашувида “Бухоро” “Машъал” билан беллашди ва 0:1 ҳисобида мағлубиятга учради. Бухороликлар устози Улуғбек Бақоев мағлубият сабабини қуйидагича изоҳлади:

- Ўйиннинг кўрдинглар, рақиб учрашув бошида дарвозабоннинг қўпол хатосидан фойдаланиб пенальтидан гол урди. Кейин эса ўйин тенглашди. Биринчи бўлимда бир неча вазиятлар бўлди, лекин фойдалана олмадик. Иккинчи бўлимда иккала жамоада ҳам яхши имкониятлар бўлди, аммо “Машаъл” дарвозабони ва ҳимоячилар яхши ўйнашди. Иккита лидер жамоалар тўқнашди. “Машаъл” жамоасини ғалаба билан табриклайман, биз эса кейинга учрашувга тайёрланамиз.

- Нима деб ўйлайсиз, агар учрашув бошида пенальти белгиланмаганида ўйин нима билан тугарди?

- Айтиш қийин. Менимча, психологик жиҳатидан бемалолрок бўлардик, балки гол ҳам урардик, фақат энди бу тарих. Факт шундаки, “Машаъл” жамоаси 1:0 ҳисобида ютди ва уч очко олди. Мен йигитларга ўйин учун миннатдорман ва кейинги беллашувга тайёрланамиз.