Улуғбек Рашитов ва бошқа таэквандочиларимиз кейинги босқичга йўл олди!

Таэквондо WТ бўйича Токио-2020 Олимпиадаси чемпиони Улуғбек Рашитов (-68 кг) Осиё ўйинларини ғалаба билан бошлади. Гонконглик Фунг Лога қарши баҳс олиб борган ҳамюртимиз икки раундда 14:1 ва 16:4 ҳисобларида устун келди. Эътиборлиси, Ўзбекистон терма жамоаси аъзоларининг ғалабали иштироки давом этмоқда.

Жасур Жайсунов (-80 кг) ҳамда Феруза Содиқова (-67 кг) ҳам дастлабки жангларини муваффақиятли ўтказишди. Жайсунов қувайтлик Бандар Аленезини, Содиқова эса таиландлик Сасикам Тонгчанни мағлубиятга учратиб, чорак финал йўлланмасига эга бўлишди.