Умар Нурмагомедов мағлубиятида UFC айбдор!

UFC собиқ чемпиони Алджамейн Стерлинг россиялик Умар Нурмагомедовнинг сўнгги мағлубияти учун асосий жавобгарликни промоушен зиммасига юклади.

"Умар Марио Баустистага қарши жуда қийин жанг ўтказганди, энди эса ҳаммамиз нима бўлганини кўриб турибмиз. Мен бу ҳақда унинг карьераси бошида, эндигина UFC га келган пайтиданоқ айтиб келаман. Жангчини рақиблар даражасини аста-секин ошириб бориш керак. Шошилиш мумкин эмас. Менимча, UFC Нурмагомедовга ёрдам бераман деб, аксинча зарар қилди. Уни жуда тез юқори поғоналарга олиб чиқишди. Натижада ҳозирги ҳолат юзага келди", — дея таъкидлади Стерлинг ўзининг You Tube каналида.

Эслатиб ўтамиз, Умар Нурмагомедов "UFC Shanghai" турнирида Сонг Ядонгдан нокаутга учради.