Умтити "Барселона"дан кетишни хоҳламаяпи

"Барселона" клуби ҳимоячиси Самуэль Умтити жамоадан кетишни хоҳламаяпти. Бу ҳақда Marca нашри хабар бермоқда.

Аммо, бундан аввалроқ каталонияликлар 25 ёшли французни 70-90 млн евро эвазига сотиб, унинг ўрнига “Аякс”дан Маттейс де Лигтни сотиб олишни режалаштираётганликлари ҳақида хабарлар тарқалган эди.

Бундан ташқари “кўк-анор ранглилар” Умтити гарчи тиззасида жароҳати бўлсада, жарроҳлик амалиётига розилик бермаганидан ҳам норози бўлишмоқда.

Маълумот учун, Умтитига “Манчестер Юнайтед” ва “Арсенал”дан жиддий қизиқишлар мавжуд. Унинг “Барселона” билан амалдаги шартномаси 2023 йилга қадар имзоланган.