Умтити фаолиятини А Серияда давом эттириши мумкин
"Фиорентина" клуби "Барселона" ҳимоячиси Самуэль Умтитининг хизматларига жиддий қизиқиш билдира бошлади.
El Mundo Deportivo нашри тарқатган хабарга қараганда, А Серия клуби 28 ёшли франциялик футболчини жорий ёзги трансферлар давридаёқ сотиб олишни мақсад қилмоқда. Айтиш керакки, Умтити "бинафшаранглилар" сафида “Атлетико”га ўтиши айтилаётган Никола Миленковичнинг ўрнини эгаллаши мумкин.
Самуэль Умтити ўтган мавсум "Барселона" сафида бор йўғи 1 та ўйинда майдонга тушди холос. Унинг клуб билан амалдаги шартномаси эса 2026 йилга қадар мўлжалланган.
Фикрлар