Унинг голлари "Рома"га энг кўп очко келтирди - Даврон Файзиев Элдор Шомуродовнинг захирада қолишига асосий сабабни айтди

Италия А Серияси 30-туридан ўрин олган "Рома" ва "Лацио" жамоалари ўртасидаги Рим дербисини "бўрилар" 3:0 ҳисобида ўз фойдасига ҳал этди.

Машҳур шарҳловчи Даврон Файзиев ўз "Телеграм" канали орқали римликлар ҳужумчиси Тэмми Абраҳам ҳақида фикр билдирди:

"Айни вақтда Тэмми Абраҳам:

• "Рома"га келгач 23 бор гол урди. Бу англиялик барча футболчилар орасида энг яхши натижа;
• 2022 йил бошидан бери топ лигаларда фақат Левандовски Абраҳамдан кўп гол урди;
• У Рим дербиси тарихидаги энг тезкор голни урди (56-секунд). Кетидан яна урди.
• Унинг голлари "Рома"га энг кўп очко келтирди.
• Ёзда "Челси" уни 40 миллионга "Рома"га сотди ва ўрнига 113 миллионга Лукакуни таклиф этди. Жамоага фойда келтиришда фарқ улкан ва ҳозир нархлар тескари ҳолатга қараб ўзгариб бормоқда.

Элдор Шомуродов захирада қолишига асосий сабаб шу, у ҳозирда Европадаги энг стабил ва сермаҳсул ҳужумчилардан бири билан рақобат қилишига тўғри келмоқда".