Унинг кетишини кутманг

Жорий мавсумда “Ливерпуль”нинг ишлари кутилганидек юрмаяпти. Юрген Клопп жамоаси Англия премьер-лигаси мусобақа жадвалининг ўрта қисмида жойлашган ва катта эҳтимол билан Чемпионлар лигасига йўлланма берадиган кучли тўртликка кира олмайди.

Шунга қарамай, германиялик мутахассис ўзини хотиржам тутмоқда. Чунки клуб раҳбарияти унга тўлиқ ишонч билдирмоқда ва вазиятни ўнглай олишига ишонади.

Бундан ташқари, “Ливерпуль” январь ойида бирорта янги трансферни амалга оширмайди. Клопп қўл остидаги ўйинчилар билан кифояланишига тўғри келади.

Германиялик мураббий “қизиллар”ни 2015 йилдан бери бошқармоқда ва унинг амалдаги шартномаси 2026 йилнинг ярмигача тузилган.