Унинг йўллари ёпилди

Жозе Моуриньо келганидан кейин асосий таркибдаги жойини йўқотган Деле Алли қишки трансферлар мавсумида клубни тарк этишини маълум қилганди.

Ёзда ҳам бу футболчининг кетишига йўл қўймаган “Тоттенхэм” раҳбарияти аввалига уни ижарага жўнатишга розилик берганди.

Сўнгги маълумотларга қараганда, клуб  мутасаддилари Алли билан боғланиб, унга Моуриньо ишончини қозониши ва асосий таркибга кириш учун курашиши кераклигини уқтиришган. Шунингдек, Аллини  клуб хўжайини унинг трансфери бўйича ҳар қандай сўровни блоклаши ҳақида ҳам огоҳлантиришди.

Аввалроқ, Жозе Моуриньо бир неча йил давомида жамоанинг асосий ўйинчиси бўлиб келган Аллини режаларига киритмаслиги ҳақида маълум қилганди.