"Унион Берлин"га қарши ўйиндан олдин "Реал"да катта ёқотиш!

Бугун "Реал" "Унион Берлин"га қарши ўйин билан ЕЧЛдаги юришини бошлайди. Ушбу баҳс олдидан мадридликлар ҳимоячиси Дани Карвахаль жароҳат олди, дея хабар бермоқда "Diario Sport" нашри. 

Манбанинг таъкидлашича, 31 ёшли испан 8 кунга сафдан чиққан бўлиши мумкин. Унинг қачон майдонга қайтиши борасида расмий баёнот берилмади. 

Футболчи "қаймоқранглилар"нинг "Унион-Берлин"га қарши қайдномасидан ҳам жой олмагани аниқ бўлди. Бош мураббий Карло Анчелотти матбуот анжуманида Карвахаль бу учрашувни ўтказиб юборишини айтди.