Упамекано барибир "РБ Лейпциг"дан кетмоқчи

"РБ Лейпциг" ҳимоячиси Дайот Упамекано бошқа жамоалар билан музокаралар ўтказаётганини маълум қилди.

- “РБ Лейпциг” билан шартномамни узайтирдим. Бир нечта жамоалар мен билан шартнома имзолашни хоҳлаяпти ва мен улар билан музокаралар ўтказяпман. Менда ўйлаш учун ҳали вақт бор. Кўрамиз, нималар содир бўлади”, - дейди франциялик футболчи.

Айтиш керакки, 21 ёшли Упамекано июлда “РБ Лейпциг” билан амалдаги шартномасини 2023 йилгача узайтирган эди. У ўтган мавсум 38 та ўйинда майдонга тушди ва 1 та голга ассистентлик қилди.