Уткин Жалолиддинов ҳақида: Бу жуда шармандали ҳолат

Машҳур шарҳловчи Василий Уткин Жасур Жалолиддиновнинг "Локомотив" билан шартномасини бекор қилганига муносабат билдирди:

"Албатта, Жасур Жалолиддинов ва "Локо" ўртасидаги бутун воқеа жуда шармандали ҳолат. Юрий Белоуснинг қўли теккан барча нарса сингари, унинг комиссияси ҳам ушбу ажойиб битимнинг ягона фойдаси бўлиб қолди", - дея ёзди Уткин "Телеграм" саҳифасида.

Эслатиб ўтамиз, "темирйўлчилар" ҳамюртимиз билан ўтган ёзда шартнома имзолаганди. Ўзбекистоннинг энг иқтидорли ярим ҳимоячиларидан бири, "The Guardian" нашри томонидан 2002 йилда туғилган дунё футболининг 60 та истеъдоди сирасига киритилган Жалолиддинов "Локомотив" сафида бирорта ўйинда майдонга тушмади ва "Тамбов"га ижарага бериб юборилди.