Ўзбекистон ҳамда Яман терма жамоалари ўртасидаги ўйиндан сўнг матбуот анжумани бўлиб ўтди. Унинг дастлабки қисмида терма жамоамиз устози Вадим Абрамов иштирок этди ва учрашув борасидаги ўз фикрларини билдириб ўтди.

"Барчани ғалаба билан табриклайман. Вазият оғир эди ва ғалаба қозонишимиз талаб этилар эди. Барчамиз масъулиятни ҳис қилган ҳолда натижага эришдик.  Ҳисоб менимча ўйинга ҳос бўлди.

5:0 мени тинчлантира олмайди. Кайфиятим? Бу ёшда эйфорияга берилиш ҳам бироз ғалати бўлади. Йирик ғалабага қарамасдан, хатоларимизни кўра олдим ва бунинг устида ишлаймиз", - деди Абрамов.