Вадим Абрамов: Таркибни кучайтириш учун етарлича захира имкониятимиз йўқ

Суперлига 22-туридан ўрин олган “Динамо” – “Металлург” (0:1) ўйинидан сўнг мезбон жамоа бош мураббийи Вадим Абрамов жамоасининг бугунги кундаги муаммолари ҳақида гапирди ва мағлубият учун мухлислардан узр сўради.

– Ўйин ҳақида айтадиган ҳар қандай фикр мағлубиятга баҳона излаш бўлиб қолиши мумкин. Нима дейиш мумкин. Ёмон ўйнадик. Бунинг учун мухлислардан узр сўрайман.

Бугун қўл остимиздаги бор имкониятдан фойдаланиб тўп сураяпмиз. Олти нафар футболчимиз ёш, яна уч нафари бетоб бўлишларига қарамай ўйнашга мажбур бўлмоқда.

Қолаверса, Бойдуллаев ва Абдураҳмонов кейинги ўйинни четлатиш туфайли қўйиб юборишади. Уларнинг ҳам ўринларини ёш футболчилар билан тўлдиришга мажбурмиз. Таркибда бетоб ўйинчилар кўп, уларни ҳам туширишга мажбур бўлаяпмиз.

Маҳмудхожиев ўйинга киришиб кета олмади. Шунинг учун уни эрта алмаштирдик. Таркибни кучайтириш учун етарлича захира имкониятимиз йўқ. Ўйинда қандайдир ўзгаришлар қилишга уринаяпмиз, аммо бунинг иложи бўлмаяпти.