"Валенсия" 70 йиллик рекордни такрорлади
Кеча Испания Ла Лигасининг 11-турида пешқадамлардан бири ҳисобланган “Валенсия” ўз майдонида “Леганес” клубини қабул қилди ва 3:0 ҳисобида ғалаба қозонди.
Эътиборлиси, ушбу ғалаба “кўршапалаклар” учун жорий мавсум чемпионатдаги кетма-кет еттинчиси бўлди. Шу тариқа “Валенсия” ўзининг 70 йиллик рекордини такрорлади. Қайд этиш лозимки, ушбу жамоа сўнгги бор 1947 йилда Испания чемпионатида кетма-кет 7та учрашувда ғалаба қозонишни уддалаган.
Маълумот учун, “Валенсия” ўтган 11та турнинг 8тасида ғалаба қозонган ва 3тасида дуранг ўйнаган. Ҳозирча бирор марта ҳам мағлубиятга учрамаган “Валенсия” турнир жадвалида 27 очко тўплаган ҳолда 2-ўринда бормоқда.
Фикрлар