Valeriy Gazzaev: Bilishimcha Golovin allaqachon "Chelsi" bilan shartnoma imzolagan

Rossiyalik mashhur mutaxassis Valeriy Gazzaevning so‘zlariga ko‘ra TsSKA yarim himoyachisi Aleksandr Golovin allaqachon “Chelsi” bilan shartnoma imzolagan.

“Menimcha qaerda o‘ynashni Golovinning o‘zi hal qilishi kerak. Bilishimcha u allaqachon “Chelsi” bilan shartnoma imzolab bo‘lgan. Menimcha bu uning uchun yaxshi imkoniyat va to‘g‘ri kelishuv. Bir tomondan bu Golovin uchun ijobiy bo‘lsa, ikkinchi tomondan unga katta mas’uliyat ham yuklaydi.

U jahon chempionatida, Chempionlar ligasida va ichki chempionatda o‘zini ko‘rsata oldi va endi katta klublarda o‘ynashga tayyor deb o‘ylayman”, - deydi Gazzaev.

Eslatib o‘tamiz, bundan avvalroq Golovinga “Yuventus” hamda “Monako” klublaridan ham takliflar bo‘layotgani haqida xabarlar tarqalgan edi.