Вальверде “Атлетико”га қарши майдонга тушиши сўроқ остида!

“Реал Мадрид” ярим ҳимоячиси Федерико Вальверде жароҳат сабаб, “Атлетико Мадрид”га қарши майдонга туша олмаслиги мумкин. 
 
Хабарингиз бор, УЕФА Чемпионлар лигасининг плей-офф босқичида Мадриднинг икки гранд клуби тўқнаш келади. Ушбу беллашув 4 мартдан 5 мартга ўтар кечаси соат 01:00 да бўлиб ўтиши режалаштирилган. 
 
“Relevo” нашрининг маълумотига кўра, уругвайлик ярим ҳимоячининг тиззасидаги жароҳати ҳали ҳамон безовта қилмоқда. Шу боис, Карло Анчелотти бошчилигидаги мураббийлар штаби Вальвердени хавф остига қўйишмоқчи эмас. Шундай бўлса ҳам, Федерико дербида майдонга тушиб, жамоасига ёрдам беришни хоҳламоқда. 
 
Маълумот ўрнида, 26 ёшли хавбек сўнгги 3 та (“Жирона”, “Реал Сосьедад”, “Бетис”) га қарши учрашувларда “қироллик клуби”га ёрдам бера олмади.