Вальверде: "Винисиус пенальтини мен тепишимни таклиф қилганди"

"Реал" ярим ҳимоячиси Федерико Вальверде Чемпионлар лигаси 1/8 финалида "Манчестер Сити"га қарши биринчи ўйинда (3:0) Винисиус Жуниор унга пенальти тепишни таклиф қилганини тасдиқлади.

56-дақиқада "Сити" дарвозабони Жанлуижи Доннарумма ўз жарима майдонида Винисиусни йиқитди. Бош ҳакам Маурицио Мариани пенальти белгилади. Бразилиялик футболчи зарбани ўзи бажарди, аммо италиялик дарвозабонни мағлуб эта олмади.

Аввалроқ Бразилия терма жамоаси футболчиси биринчи бўлимда хет-трик қайд этган Вальверде пенальтини тепишини таклиф қилгани ҳақида хабарлар тарқалган эди. Бироқ уругвайлик ярим ҳимоячи бу таклифни рад этган.

"Вини мендан пенальтини тепишни хоҳлайманми, деб сўради. Вини — “Реал” афсонаси ва ажойиб дўст. Мен ва бошқа футболчилар унга ўзи тепишини айтдик.

Хатолар бўлиб туради — бу футболнинг бир қисми", — деди Вальверде "TNT Sports" эфирида.