Ван де Бек МЮда қоладими?

"Манчестер Юнайтед" ярим ҳимоячиси Донни ван де Бек қишки трансфер ойнаси вақтида клубдан кетмоқчи эмас.

The Athletic маълумотига кўра, "қизил иблислар" бош мураббийи Уле-Гуннар Сульшер АПЛ 18-тури "Фульхэм"га қарши ўйин олдидан футболчи билан гаплашиб, унга мавсумнинг қолган қисмида кўпроқ имконият бериши ҳақида айтиб ўтган.

Ван де Бек ва Сульшер ўртасида қисқа суҳбат бўлиб ўтган, мулоқотдан  нидерландиялик футболчининг кўнгли тўлган, дейилади юқорида номи келтирилган манбада.

Ўз навбатида, клуб раҳбарияти ҳам қишки трансфер ойнаси вақтида ван де Бек бўйича билдириладиган барча таклифларга рад жавобини бермоқчи. Шунингдек, унинг клубда қолиши Поль Погбанинг ёзда МЮни тарк этиш эҳтимоли билан ҳам боғлиқ. Франциялик футболчининг клуб билан шартномаси 2022 йил ёзида якунига етади, шунинг учун "қизил иблислар" уни келаётган трансфер ойнаси вақтида сотиб юбормоқчи.

Жорий мавсумда 23 ёшли футболчи АПЛ баҳсларида 10 та ўйинда майдонга тушди. Англия кубогида "Ливерпуль"га қарши ўйинда асосий таркибда ўйинни бошлаб, 66-дақиқада захирага олинди.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар