Васкес собиқ клубига қайтиши мумкин

"Реал"нинг собиқ футболчиси Лукас Васкес янги жамоа излашда давом этмоқда. Тажрибали испаниялик футболчида Ла Лигада қолиш варианти бор - унинг трансферига "Эспаньол" жиддий даъвогарлик қилмоқда, деб ёзади Marca.

Эслатиб ўтамиз, Васкес фаолияти бошида "Эспаньол" шарафини ҳимоя қилган. Яқинда ОАВда Лукасга "Милан" ва "Ювентус" клублари қизиқиш билдираётгани ҳақида хабарлар тарқалди.

Аввалроқ, ёзда футболчи "Реал"ни тарк этганди. 34 ёшли футболчи "қаймоқранглилар" сафида 2007 йилдан буён тўп суриб, жами 402 та ўйинда майдонга тушган. Бу вақт ичида у 23 та совринни қўлга киритди: беш марта Чемпионлар лигаси, бешта клублар ўртасидаги жаҳон чемпионати, тўртта УЕФА Суперкубоги, тўрт мартадан Испания чемпиони ва Испания Суперкубоги соҳиби бўлди ва бир марта Испания кубогини қўлга киритди.