Велоспорт тарихида кам учрайдиган ҳодиса содир бўлди

UAE Team Emirates – XRG жамоаси аъзоси, испаниялик Хуан Аюсо "Жиро d’Италия"даги иштирокини ари чаққанидан кейин тўхтатди.

Ҳодиса чоршанба куни 17-босқичда содир бўлган, пойга пайтида ҳашарот спортчи бош кийимига учиб кирган.

Спортчининг юзи шишиб, ўнг кўзи деярли кўрмай қолди. Аввалроқ, Аюсо "Жиро"нинг 7-босқичида ғалаба қозониб, умумжамоа ҳисобида пешқадамлар сафида бораётган эди. Бироқ, 9-босқичда у йиқилиш натижасида тиззасидан жароҳат олди ва кейинги босқичларда ўз позициясини йўқота бошлади.

"Бу кунлар оғир, ҳақиқатан ҳам омадсиз ўтди," - дея вазиятни баҳолади Аюсо.

Халимова Нозима